Imprimir

Patada ao patrimonio no aparcamento do concello

bngmos | 30 de Outubro de 2017

Xa levan tempo as obras na parte traseira do concello, coas que se intenta mellorar a zona de aparcamento así como o entorno da igrexa do cemiterio e da casa reitoral.

     O que se vende como algo magnífico, demostra ser unha vez máis, unha explanada de asfalto, con muros de prefabricados de formigón. Algo horrendo que afea en gran maneira o entorno no que se atopa.

Pero aínda se fixo unha falcatruada maior. Ao principio o cruceiro que se atopaba detrás do concello, ía quedar alí, deixándoo de tal xeito que destacaría máis no lugar onde se atopaba, cunha iluminación para el só e respetándoo.

Pero o desprezo do goberno ao patrimonio, e o amor ao asfalto, leva a que, cun expediente de obra distinto ao principal, se solicite o cambio de ubicación deste cruceiro. E patrimonio de Xunta aplaude o cambio. Está claro que para algúns mandan os coches máis que o patrimonio.

Respetar ou non o noso patrimonio demóstrase en cousas coma estas.

O Bng non está de acordo con este cambio do cruceiro, e ademais considera que a presenza dos valados de formigón afea enormemente a zona.

 

Mos a 27 de outubro do 2017

Miguel Anxo Aldea Moscoso

Portavoz do Grupo Municipal do BNG de Mos

Tlf: 628 141 093

Podes ver este artigo na próxima dirección /articulo/politica-local/patada-ao-patrimonio-no-aparcamento-do-concello/20171030201651000800.html


© 2018 Bloque Nacionalista Galego de Mos