Actual portavoz do BNG no Concello de Mos e candidato á alcaldía. Graduado en Xeografía e Historia, tamén músico con grao profesional na especialidade de tuba, así como cun mestrado de profesorado. É veciño de Torroso e integrante e colaborador de distintas entidades musicais e culturais, entre as que destacan a Banda de Música Xuvenil de Torroso ou a Turre’s Band.
Avogada de profesión, conta con estudos de Dereito e un Mestrado en Dereito Laboral e da Seguridade Social. Forma parte do Consello Local do BNG, onde ocupa o cargo de vicerresponsábel da organización, así como de Acción Feminista. Formou parte do equipo de balonmán femenino en Mos e posteriormente en O Porriño, durante 10 anos.
Enxeñeiro técnico industrial. Foi un dos socios fundadores da Agrupación Cultural A Cividade, gaiteiro e compoñente do grupo de pandereteiras. Foi xogador, directivo e adestrador das categorías inferiores da U.D. Mos e colaborador na organización de eventos como o Arde o Pazo.
Titulada en Educación Social e Psicopedagoxía, conta cunha ampla traxectoria en proxectos de voluntariado. Vive en Torroso, é xerente dun estabelecemento comercial e preside a asociación "Revolto Artesán Galego". Traballou durante 10 anos como coordinadora dunha asemblea local de Cruz Vermella e exerceu, tamén durante unha década, como educadora e coordinadora nunha entidade social.
Traballador do metal no sector naval. É membro da xunta reitora da Comunidade de Montes de Tameiga e da directiva do C.S.C.D. As Pedriñas. É o coordinador da Sala Rebullón, espazo de referencia a nivel galego pola súa programación artística e musical.
Graduada en Psicoloxía, está cursando un mestrado en Orientación e Intervención Psicopedagóxica. Actualmente traballa na Fundación Meniños, no programa de atención perinatal a mulleres en situación de vulnerabilidade social. Afeccionada a viaxar e á lectura.
Xornalista e profesor de gaita no Círculo Cultural Santa Eulalia de Mos. Colabora na organización de eventos como o Festival Intercéltico ‘O Son do Pazo’ e é integrante, ademais, de formacións musicais como ‘A Vacaloura Vermella’ ou a Rondalla de Mos. Actualmente traballa na Televisión de Galicia e as súas grandes paixóns son a música, a historia e todo o que estea relacionado coa cultura galega.
Conta coa titulación de FP de Administración e traballa como administrativa nunha empresa distribuidora de produtos e material de limpeza. Está vinculada ao mundo da cultura e a música tradicional, sendo cantareira no grupo As Zaragateiras das Pedriñas. Tamén é unha apaixonada do deporte e do fútbol en particular.
Xardineiro na Universidade de Vigo, conta estudos de electrónica e electricidade industrial. Ligado dende moi novo ao mundo da cultura e do asociacionismo, sendo presidente da Asociación Xuvenil Rebumbio. Actualmente é colaborador do C.S.C.D. As Pedriñas e integrante do staff da Sala Rebullón. É membro da Executiva Comarcal do BNG, onde leva a área de comunicación e redes.
Estudante do grao de Belas Artes. Apaixonada pola arte en todas as súas vertentes, unha delas a musical, tocando a frauta traveseira na Banda de Música Xuvenil de Torroso. Tamén fai os seus propios deseños artísticos para tatuaxes ou autocolantes.
Profesional do transporte nacional e internacional de mercadorías por estrada. Rexentou o seu propio negocio de hostalería no entorno do Zoo de Vigo. Leva vinculado ao mundo da loita política dende moi novo e actualmente é o responsable local do BNG. O deporte é unha das súas maiores afeccións, destacando o fútbol e o rugby.
Diplomada en Socioloxía e técnica de laboratorio. Na actualidade traballa como técnica especializada no Instituto Español de Oceanografía. Feminista activa e combativa. Dende hai case 20 anos forma parte da directiva da Asociación de Mulleres Rurais Val da Louriña. Pertence ao grupo de pandeiretas, canto e baile tradicional de A Cividade.
Estudou artes gráficas e na actualidade desenvolve o seu traballo como impresor gráfico. Vinculado aos movementos estudantís e xuvenís. O deporte forma parte da súa rutina diaria, sendo o ximnasio unha segunda casa para el.
Estudos en administración,finanzas e secretariado de dirección. Na actualidade exerce como mando intermedio nunha empresa de exteriorización de servizos. Dende o 4 anos ata os 25 fixo baile, canto e pandeireta así como participou como directiva de asociacións culturais. A lectura e viaxar son a súa outra paixón.
Graduado en Ciencias Políticas e conta con formación para dar clases de inglés. O fútbol é unha parte fundamental da súa vida, sendo na actualidade coordinador e adestrador da U.D. Santa Mariña.
Autónoma no sector da alimentación e florería e operadora loxística de transporte. Foi concelleira do BNG de Mos do 2011 ao 2015 e participou das diferentes entidades sociais da súa parroquia.
Técnico Especialista en Electrónica de Telecomunicacións. Traballador do ferrocarril en ADIF. Membro do grupo de pandereteiras da asociación cultural A Cividade. De 2011 a 2019 foi concelleiro e portavoz municipal do BNG.
Tapicero-decorador de profesión. Moi vinculado ao movemento asociativo da parroquia participando ao longo dos anos como directivo e colaborar en varias delas. Actualmente é vicepresidente da Comunidade de Augas de Pereiras.
Traballadora do sector téxtil. Participou nos colectivos culturais da parroquia. Gran afeccionada a natureza, especialmente á ornitoloxía.
Titulado no ciclo superior de sistemas de comunicación. Na actualidade traballa como administrador dunha empresa. Concelleiro do BNG dende o 2007 a 2011, chegando a xestionar a concellería de Xuventude.
Diplomada en maxisterio e conta tamén cun grao en Antropoloxía Cultural. Na actualidade é mestra de escola e membro da cooperativa de ensinanza en Vigo. Entre as súas afeccións esta a música tradicional galega, sendo a gaita o seu instrumento predilecto.
Empresario. Concelleiro do BNG no mandato 2003-2007 levando a área de Medio Ambiente no goberno municipal, cargo dende o que impulsou a creación do Paseo do rio Louro. Amante do deporte, exerce como adestrador do equipo rugby das Pedriñas.
Titulada no ciclo superior educación infantil, exerce como monitora en campamentos de verán. Participou do grupo de baile Nosa Terra de Pereiras así como nas Escolas de Patinaxe de Mos.
Diplomada en Relacións Laborais, na actualidade traballa no Instituto de Investigacións Mariñas do CSIC. Loitadora feminista é compoñente da comisión de igualdade do CSIC e do comité de igualdade do IIM, así como delegada sindical e de prevención.
Traballador do metal xubilado. Primeiro concelleiro do BNG no concello de Mos, exerceu a concellería de Vías e Obras dende o 2003 ata o 2008 no goberno municipal e da súa man naceron as humanizacións da contorna do Pazo de Mos e Puxeiros. Participou e participa de todo o movemento social e cultural da parroquia. A súa gran afección é a pesca.
