Unha vez máis ven de realizarse o acto de entrega de medallas e o nomeamento do fillo predilecto, e como non podía ser doutro xeito, demostrou ser un acto de autobombo do PP.

 O desembarco de autoridades do PP, que ocupan cargos en varias administracións, e o feito que foran elas as que entregaran as medallas, confirmou a nosa aseveración de que foi un acto político.

      Ana Pastor, Ignacio López Chaves e Beatriz Mato, foron as autoridades convidadas, e os concelleiros da oposición, que son os representantes dos e das cidadáns de Mos, foron uns convidados de pedra, apartados nunha segunda fila. O Bng de Mos xa esperaba esta situación, polo que xa decidíu non asistir para non dar a imaxe irreal e falsa de unanimidade.

Que mínimo que os concelleiros de Mos sexan partícipes e non meros observadores, pero que nos imos esperar do PP, sectario coma sempre.

O PP, que utiliza os sentimentos e emocións deste tipo de actos para maior gloria da alcaldía, unha utilización vergoñenta pola súa parte.

    As medallas non representan a todos os partidos, só aos que asistiron.

Miguel Anxo Aldea Moscoso

26 de xuño de 2017

Portavoz do Grupo Municipal do BNG de Mos

Tlf: 628 141 093